Góðu Norðurlandamóti hjá yngri landsliðum í körfubolta lauk um síðustu helgi í Södertalje í Svíþjóð en þar tóku þátt U20, U18 og U16 ára landslið Íslands.

Bæði lið U20 og U18 drengja áttu möguleika á því að næla sér í gullverðlaun síðasta keppnisdaginn en töpuðu lokaleikjum sínum og uppskáru því silfur og brons.  Lið U20 kvenna lék hins vegar um 3ja sætið og vann sinn leik örugglega og uppskar því bronsverðlaun. Lið U18 kvenna endaði í 4. sæti.  Lið U16 ára kvenna tryggði sér einnig silfurverðlaun með góðum sigrum fyrir síðast leikinn á mótinu. 

Framundan eru fleiri mót hjá liðunum og því nóg að gera hjá þessum efnilegu liðum.  ÍSÍ óskar keppendum, þjálfurum og öðrum í teymi íslensku liðanna innilega til hamingju með árangurinn.  

Nánari upplýsingar um árangur liðanna og það sem framundan er hjá þeim hér.